[Loving Aqsa]

بسم الله الرحمن الرحيم

حابب احط شويه صور لشغل المشروع الفتره اللى فاتت بما اننا داخلين على فتره شغل جديده



هل حققنا هدفنا؟ايه هوه هدفنا اصلا؟؟
تعالوا نشوف.......



هدفنا كان رسم البسمه



و


و



و


والحمد لله رسمنا البسمه




احنا كنا عايزين ايه ؟




احنا عايزين الجنه وعايزين نبقى مع النبى عليه الصلاه والسلام



ويا رب زى مجمعتنا على طاعتك فالدنيا اجمعنا فالجنه يا كريم




احنا القدوه





احنا الامل




بنعلمهم اصل العلم نور






واحنا اللى بنبنى المستقبل بإيدينا




وده شهاب نجح الحمد لله وبتفوق كمان وبيقولك يا عبدالوارث انه نجح ولازم تروح تشوفه
وانتم كمان لازم تروحوا................





الحب والاخوه فى الله هيا اللى بتجمعنا عشان نغير للافضل




بنحبك يا ريس والصوره خير دليل






وده ادهم حبيب قلبى
ادهم فاكر نفسه فى دريم بارك




مفيش احسن من كده
اتجمعنا فى الخير هنا فالدنيا وهنتجمع فالاخره ان شاء الله



انا مكنتش لوحدى
انا كان معايا ابطال
كان معايا احبائى فى الله
د/احمد نبيل ود/ايه السخاوى ود/امينه رزق ود/ماجى الحداد ود/محمود الهندى ود/هبه الشريف
كلهم كانوا ابطال
بالكلام مش هوفى حقهم
ان شاء الله رب العباد يوفيهم حقهم ويجازيهم على كل تعبهم

يلا كلنا نشارك يلا كلنا نعمل خير
لازم يكون لينا دور فالمجتمع
العمل الجماعى
الحب فى الله
الاخلاص
الاجتهاد
الجنه
جوار الرسول صلى الله عليه وسلم




بحبكم فى الله

اللهم استخدمنا ولا تستبدلنا

[imagine girl]

السلام عليكم ورحمة الله
الف مبروك علي النجاح الجميل ده ويارب اكتر واكتر
بعد اذنكم انا كان عندي ((حلم صغير كده علي قدي))
(( كان في برنامج في قناة الناس لشيخ محمود المصري كان بيقعد مع الااطفال يحكي ليهم ويتكلموا معاه وكان في اطفال بيشاركوا من خلال التيلفون وبعد كده انتج كتاب اسمه حكايات عمو محمود للاطفال حاجه للامهات تحكي وتربي اطفالها عليها وتربي فيهم القدوه )
الفكره:
هو اختيار راوي للقصة لدار الاولاد وكذلك للبنات (ويمكن استبدالي في دار البنات لو وجد من افضل مني للتواصل مع الاطفال )
الهدف :
التواصل مع الاطفال
ازاي يتعلموا يعبروا عن فكرهم ونفسهم
هيكون في عهود هنأخدها علي بغض
يتعلموا يحبوا الناس اللي حواليهم
نربي في عقلهم القدوه الحسنه
(التعليم في الصغر كنقش علي الحجر )
ممكن يكونوا الطفل بيكره المدرسه عشان الواجب او المدرسه او لانه عايزه ينزل يلعب واحنا عارفين طبعا ان النفس بتكره ما يقيدها
بس لما يقعد يتكلم عن نفسه ويسمع القصه ويقول رايه افتكر انه بيعمل ده برغبته يعني كل حاجه نبعه من جوها فتأثير هنا اكبر من التعليم في المدرسه او الدراسه
ممكن زمان كنا نسمع واحنا مش فاهمين بس لما بيجي الوقت ونكبر بنفتكر ونفهم
كمان بنعلم الطفل انه يقراه ويتثقف
اتمني القبول لو كانت الفكره هتتواصل مع مشوار نجاحكم وربنا يكمل معاكم علي خير
والسلام عليكم ورحمة الله

[DΛBBOЯ]

رائع

[Loving Aqsa]

imagine girl, on 06 July 2010 - 11:48 AM, said:

[/size]الفكره:
هو اختيار راوي للقصة لدار الاولاد وكذلك للبنات
الهدف :
التواصل مع الاطفال
ازاي يتعلموا يعبروا عن فكرهم ونفسهم
هيكون في عهود هنأخدها علي بغض
يتعلموا يحبوا الناس اللي حواليهم
نربي في عقلهم القدوه الحسنه
(التعليم في الصغر كنقش علي الحجر )
ممكن يكونوا الطفل بيكره المدرسه عشان الواجب او المدرسه او لانه عايزه ينزل يلعب واحنا عارفين طبعا ان النفس بتكره ما يقيدها
بس لما يقعد يتكلم عن نفسه ويسمع القصه ويقول رايه افتكر انه بيعمل ده برغبته يعني كل حاجه نبعه من جوها فتأثير هنا اكبر من التعليم في المدرسه او الدراسه
ممكن زمان كنا نسمع واحنا مش فاهمين بس لما بيجي الوقت ونكبر بنفتكر ونفهم
[size="4"]كمان بنعلم الطفل انه يقراه ويتثقف [/

وعليكم السلام ورحمه الله وبركاته
انا هرد يعنى بصفتى قائدا للمشروع فالفتره اللى فاتت لحين مالمجلس يعين قائد للمرحله الجايه ويُعلن عنه

اولا: شكرا لحضرتك عالمشاركه وعالكلام الجميل جدا ده

ثانيا :بالنسبه لفكره حضرتك وهدفها ووسيله تنفيذها
بجد كل الكلام اكتر من رائع
احنا فعلا عندنا فالمشروع حاجه ليها نفس الهدف تقريبا
وده جزء عنها من التقرير النهائى للمشروع مع بعض الاختلاف

Quote

تنظيم زيارات خاصه لطلبه اعدادى وهدفها
- عمل متابعه مستمره لأبناء هذه المرحله الاعداديه وهيا فى الاساس جانب تربوى
- متابعه مستواهم التعليمى والدراسى
- مراقبه سلوكياتهم اليوميه وتقويمها
- تعليمهم الاداب والاخلاقيات التى امرنا الاسلام بإتباعها من خلال بثها لهم فى صوره غير مباشره
- الاندماج مع الايتام ومحاوله سد الخلل فى وجود قدوه لهذا اليتيم نتيجه لغياب الاب
- مخالطه اليتيم (وإن تخالطوهم فأخوانكم)
- تعليم الايتام امور دينهم
- السعي الى تقويم سلوك الايتام وتعليمهم القيم الطيبة وترغيبهم في الصفات الخلقية بما يتوافق مع تعاليم الاسلام

يعنى الزيارات دى كان بيبقى هدفها تربوى
وكان الهدف اننا ندخل فوسطيهم ونقرب منهم ونخليهم يعبروا عن نفسهم وعن رغباتهم
وطبعا مع مراقبه سلوكياتهم وتقويمها
تقريبا نفس الهدف
احنا عملنا الموضوع ده مع اعدادى فدار الايواء للبنين ومتعملش مع ابتدائى
عشان اعدادى يعنى يسهل السيطره عليهم (المفروض انهم كبار وعاقلين يعنى )

اتمنى ان الكلام ده يتنفذ مع ابتدائى زى محضرتك اقترحتى خاصه اننا فالصيف والمفروض نستغله بسرعه
الهدف واحد مع اختلاف الوسائل يعنى
غير اننا معملناش الموضوع ده مع دار الحنان لليتيمات

ربنا يجازى حضرتك كل خير

اتمنى يعنى ان المجلس يعين قائد للمشروع فأسرع وقت عشان الوقت بيعدى وعشان المشروع يلحق ينفذ الاقتراحات دى

اخيرا ربنا يكرمكم كلكم وبالتوفيق للجميع ان شاء الله

[imagine girl]

الحمد لله ان الفكرة فيها الموافقه
بس انا مضايقه من تاخير المشاريع الصراحه

[eslam adel]

ربنا يكرمك ياحوده على الشغل اللى انت عملته جعله الله فى ميزان حسناتك
ويارب يوفق القائد الجديد ويكون افضل بامر الله

بخصوص فكره القصه لدار الايواء لو مفيش حد اتحدد انا عندى استعداد ان انا اقوم بالمهمه دى

ودى حسب القائد الجديد انا عندى النيه ان شاء الله لو مفيش حد اتحدد

[EL-Harouny]

يا جماعة اقرب زيارة امتى

[dr.flash]

بسم الله الرحمن الرحيم

ازيكم عاملين ايه يارب تكونوا بخير

ان شاء الله هنعمل زيارات أيتام فالعيد زى ما احنا متعودين كل سنة
وعايزين نجيب للولاد لعب وهدايا يفرحوا بيها سواء بقى دار الأمل أو الايواء أو الحنان

محتاجين تبرعات علشان نقدر نجيبلهم هدايا العيد

يعنى كل واحد كده لو يكلم قرايبه وجيرانه علشان نجمع تبرعات للأيتام ان شاء الله نجمع مبلغ كويس
مستنيين مشاركتكم معانا

[DR.H.M.B]

ان شاء الله يا ايه

ربنا يكرمكم